Passa in'emna suenter ch'in aviun pitschen è crudà giu ad Arosa è il pilot da 79 onns mort il mardi en l'ospital. Quai communitgescha la Polizia chantunala. En tge stadi che ses accumpagnader da 62 onns sa chatta n'ha la polizia betg communitgà. Era quel era vegnì blessà grevamain.
L'aviun era crudà giu ils 29 da december curt avant mezdi damanaivel da la staziun da muntogna Tschuggen da la vart da la pista. La raschun exacta, pertge che l'aviun è crudà giu n'ha il post per l'examinaziun da segirezza Sust anc betg sclerì.
RTR novitads 12:00