«Igl ha rendì da leger las 500 paginas. I vegn or, che nagin tar il chantun era activamain involvì en il cartel. Dentant han pliras persunas en posts da schef tar l’uffizi da construcziun bassa betg fatg lur lavur endretg. U ditg cun auters pleds: els han dà vinavant il tartuffel chaud fin ch’el è rivà tar l’anteriur schef da l’Uffizi da construcziun bassa sin il cumpost.
Tgi che survegn ina buna nota è Adam Quadroni. La PUK appreziescha dentant mo sin quatter lingias, ch’el haja contribuì ina impurtanta part per sclerir las fatschentas dubiusas en il cartel – quatter lingias sin 500 paginas. Tenor miu manegiar avess la PUK savì far ina recumandaziun a la regenza cun arguments, sch’i saja da sa perstgisar u d’indemnisar Adam Quadroni u betg. Quai manca en il rapport.»
