Cun la fin da la fasa transitorica suenter la fusiun è er il temp dals co-presidis ì a fin. Kevin Brunold maina uss senza Aita Zanetti la partida e Martin Bettinaglio è uss persul president da la fracziun dal Cussegl grond – senza Reto Crameri. Ins haja bain discutà er la pussaivladad da restar tar co-presidis, uschia Kevin Brunold, commembras e commembers hajan dentant decidì dad ir mintgamai mo cun in president.
Igl è stà il giavisch dals commembers ed er ord la fracziun, ch'ins vul mo pli in presidi dad in che fa forsa er pli simpel la chaussa.
Er che Kevin Brunold è in anteriur commember da la PCD e Martin Bettinaglio in anteriur da la PBD n'haja giugà nagina rolla, quai saja simplamain sa dà uschia. Ed insumma – els na vesian sa sez sco commembers da l'AdC, per quella battia il cor ussa. E quai è tar commembras e commembers, la fusiun saja s'avanzada bler meglier che pensà.
Nossa glieud sa senta da chasa tar l'Allianza dal Center.
E quai na vesa betg mo il president uschia, mabain er ils commember e las commembras dumandadas en il Cussegl grond. Il tenor tar tuts dumandads il medem; ch'ins haja bun in cun l'auter e ch'ins haja sa chattà. L'AdC saja ina ina unitad ch'è creschida e commembras e commembers sa sentan bain en la betg pli usche nova partida. Er davart d'autras partidas è il tenor positiv ed ins na sentia betg pli che l'AdC è vegnida fusiunada ord duas partidas. Deputadas e deputads dumandads resentan l'AdC sco ina partida e na sentan betg pli la PBD e la PCD.
