A partir d'immediat pon interpresas ch’han gia inoltrà ina dumonda per agids per cas da direzza e ch’han gia survegnì ina disposiziun da contribuziun, inoltrar al chantun las ulteriuras perditas da la svieuta ch'èn resultadas da la pandemia durant ils mais avrigl fin zercladur. Quai ha communitgà la regenza.
Nagina midada tar la calculaziun
L'autezza dals agids per perditas da la svieuta da l'avrigl – zercladur vegn calculada tenor la medema metoda sco en il rom da la dumonda ordinaria. I sto vegnir resguardà ch'i valan las limitas da contribuziun da la Confederaziun.
Mo per interpresas cun svieuta fin 5 milliuns francs
L'inoltraziun da las perditas vala mo per interpresas cun ina svieuta annuala media fin 5 milliuns francs. Interpresas cun ina svieuta da passa 5 milliuns francs vegnan infurmadas spezialmain.
