La fundaziun «am Rhein» dastga manar definitivamain l'ospizi per murir a Maiavilla. Suenter in'emprova da pilot dapi l'onn 2019 po la fundaziun cumenzar a partir dal schaner 2023 cun il manaschi regular. Quai ha decis la Regenza grischuna e garantescha ina contribuziun annuala da maximalmain 400'000 francs.
L'ospizi a Maiavilla porscha quatter letgs e questa offerta è para dumandada: Durant ils onns 2019 fin 2021 è l'occupaziun stada en media tar 88%. Quai vul dir che 94 persunas èn vegnidas tgiradas ed assistidas palliativamain durant l'ultima fasa da lur vita. L'onn 2020 è l'ospizi perfin stà occupà per passa 95%. Quai mussia il basegn per ina tala purschida en il Grischun, scriva la Regenza grischuna.
audio
Per tadlar: las novitads da las 11:00
ord RTR Audio dals 10.11.2022.
laschar ir. Durada: 34 minutas 34 Secundas.