La procura publica grischuna ha mess ad acta la procedura penala en connex cun l'accident mortal dal ciclist svizzer Gino Mäder al Tour de Suisse da quest onn. Nagina terza persuna saja stada responsabla per la mort dal ciclist ed er ils funcziunaris che sajan stads responsabels per la segirezza hajan ademplì lur obligaziuns, ha argumentà la procura publica. La decisiun n'haja dentant anc betg vigur legala.
Ils 15 da zercladur era Mäder cupitgà uschè grev durant la sisavla etappa dal tur sin viadi da l’Ospizi dal Pass da l’Alvra vers la Punt, ch’el è mort il di suenter en l’Ospital chantunal a Cuira. Mäder ha gì 26 onns.
