-
Bild 1 von 2Legenda: Ils sensurs èn integrads en ils fistets che vargan ora da la but blaua. Els rimnan infurmaziuns da las cellas (endadens la but) e transfereschan quellas al computer. RTR, Pietro Jacomet -
Bild 2 von 2Legenda: La vicepresidenta da la partiziun «Process Analytics», Clara Caminada. RTR, Pietro Jacomet
La fatschenta Hamilton SA è dapi l'onn 1966 sa chasada a Panaduz. Tranter auter è la fatschenta sa spezialisada sin robotica. Ella producescha per exempel sprizzas ubain maschinas sco apparats da respiraziun
30 onns «Process Analytics»
Dapi 1989 sviluppescha e producescha l'interpresa a Panaduz dentant era anc sensurs. Quels analiseschan il process da cellas biologicas, fin ch'ellas vegnan tar medicaments che funcziunan.
Quels sensurs vegnan duvrads da grondas fatschentas da farmazia sco per exempel Roche ubain Novartis per il pass da producziun da medicaments. Concret vegnan ils sensurs cunzunt duvrads per producir insulina, meds cunter cancer ubain vaccins.
L'onn da giubileum ha la partiziun era purtà novs products sin fiera, per exempel il sensur «Incyte Arc». Cun quai sensur èsi era pussaivel da mesirar con spess in sin l'auter che las cellas sa chattan – anc in parameter dapli che lubescha dad analisar meglier il process da producziun da medicaments.
RR actualitad 17:00