Ils regals sajan l’expressiun dad ina gronda solidaritad da la populaziun cun persunas en situaziuns da vita difficilas – scriva la Crusch Cotschna. Ils pretschs per vivondas, tschains-chasa, electricitad e custs per stgaudar sajan adina ina pli gronds chargia per las chasadas. Pertutgads il pli fitg dals custs da viver auts èn tut quels e quellas che han gia in budget fitg cnap sco per exempel persunas ch'educheschan sulettas, persunas senza lavur, persunas pli passadas pertutgadas da paupradad u er persunas malsaunas. Savens possia ir spert che questas persunas vegnian en miseria.
In radi da speranza èn ils regals da l'acziun 2x Nadal. La Crusch Cotschna Grischun po reparter quest onn 20,1 tonnas donaziuns da rauba en l'entir chantun.
Cun ils regals na pon ins betg far miraclas, ma ils budget da persunas pertutgadas da paupradad po vegnir distgargià in zic. Ina tastga plaina cun rauba dal mintgadi po gidar da surmuntar ina situaziun d'urgenza.
In team da voluntaris e voluntarias prepara il prim da mars en la halla da Kuoni Transporte AG la rauba per il transport a las 29 instituziuns socialas en l'entir chantun Grischun. Grazia a la collavuraziun cun questas instituziuns po la Crusch Cotschna Grischun dar la garanzia che las donaziuns da la populaziun arrivan là nua ch'ellas vegnan duvradas.
-
Bild 1 von 3Legenda: RTR -
Bild 2 von 3Legenda: RTR
-
Bild 3 von 3Legenda: RTR
Or da l'archiv
Gia l'onn passà hai dà ina rimnada da rauba en ina dimensiun sumeglianta.