Tranter ils projects che survegnan ils daners sa chattan era divers projects rumantschs. Per l'ina projects da musica dad Astrid Alexandre, Mario Pacchioli ed Andreas Coray. E per l'autra il project d'art figurativ da Flurina Badel «De Novo».
Sustegn finanzial survegnan projects or differentas spartas da cultura. Saja quai d'art figurativ, film, litteratura ubain era da la musica e dal teater.
Las suandantas artistas ed artists survegnan raps dal chantun
Num | Sparta | Projec |
---|---|---|
Daniel von Aarburg | Film | Project da film "Personenschaden" |
Astrid Alexandre | Musica | Project da musica "Umbrivas" |
Elia Aubry | Art figurativ | Project d'art "Warum bekommen eigentlich alle grauen Papageien mit rotem Schwanz den Namen Jacob" |
Flurina Badel | Art figurativ | Project d'art "De Novo" |
Andrin Berchtold | Musica | Project da musica "Songwriting und Komposition" |
Andreas Coray | Musica | Project da musica "Viver per far musica, far musica per viver" |
Hans Peter Gansner | Litteratura | Project da Litteratura "D'Welschdörfli-Suita. A Ziit-Reis dur a legendärs Khuurer Quartier" |
Gerry Mottis | Litteratura | Project da litteratura "Terra Bruciata. Storia dei processi alle streghe in Mesolcina durante il 1600" |
Mario Pacchioli | Musica | Project da musica "Remas. Poesias romontschas en vestgiu sinfonic" |
Christian Sprecher | Teater | Project da teater "Winternacht" |
Cun las contribuziuns promova il chantun Grischun projects culturals artisticamain interessants, independents e realisabels. Il sustegn finanzial duai procurar per la libertad necessaria per elavurar lur ideas e sviluppar vinavant lur lavur artistica.
RR novitads 12:00