Ils daners vegnan pajads en il rom d'ina cunvegna da prestaziun per ils onns 2021 enfin 2025, mintgamai 440'000 francs ad onn, ha communitgà la regenza. Questa summa correspundia als raps ch'il chantun dat als Parcs natirals regiunals. Ils custs totals per ils 17 projects dal Parc Naziunal Svizzer muntan a 5,7 milliuns.
Quests daners van exclusivamain en la sparta turistica ed educaziun, danov duai dar ina plazza da lavur da 60% per organisar tuttas excursiuns ch'han lieu en il parc naziunal. Las pli autas expensas vegnan spetgadas d'investir en il center da visita a Zernez.
Ulteriur sustegn finanzial
La cunvegna da prestaziun vala a partir dad immediat fin il 2025. Sper las contribuziuns chantunalas paja la Confederaziun 2,7 milliuns francs e la regiun Engiadin'Ota e Bassa cun Val Müstair e Samignun 750'000 francs. Tut en tut 5,7 milliuns per ils proxims 5 onns.