-
Bild 1 von 3Legenda: 100 onns autos da posta en il GR – ma ina gronda festa na dat i betg. RTR, Pietro Jacomet -
Bild 2 von 3Legenda: Roger Walser (manader vendita Svizra orientala) e Walter Schwizer (manader manaschi Svizra orientala) sa legran dal giubileum da 100 onns. RTR, Pietro Jacomet
-
Bild 3 von 3Legenda: Novs vehichels a dus plauns En l'onn da giubileum ha Auto da Posta era introducì novs autos: Quai è in dals quatter novs vehichels a dus plauns ch'èn en funcziun en il Grischun. Els vegnan a charrar cunzunt sin las vias lungas sco tranter Cuera e Bellinzona. RTR, Pietro Jacomet
Ils 15 da zercladur 1919 è l'emprim auto da posta charrà en il Grischun davent da Reichenau en direcziun da Flem. 100 onns pli tard charrescha il manaschi radund 11 milliuns passagiers tras l'entir Grischun. Atgnamain è il manaschi AutoDaPosta SA in cun grond success en noss chantun.
Scandal da subvenziuns bitta sia umbriva
Pervi dal scandal da subvenziuns ch'è vegnì public l'onn passà è la gronda festa da giubileum vegnida stritgada. I vegn festivà, dentant en ina moda bler pli pitschna. Tuttina veglia l'AutoDaPosta SA far in regal a las collavuraturas ed ils collavuraturs ed a las passagieras ed ils passagiers en il Grischun tar il di da giubileum.
Il manader dal manaschi Svizra orientala, Walter Schwizer, mira tuttina gia en il futur. Sin l'AutoDaPosta SA spetgan differentas sfidas, tranter auter la midada da clima u alternativas furmas da mobilitad. Medemamain emprovan els mintga di da puspè meglierar il maletg dal manaschi, che ha patì pulit cun il scandal da subvenziuns.
RR actualitad 17:00