L’industria da tubac emprova cun intenziun da far dependent uffants. Quai scriva l’Organisaziun mundiala da la sanadad en in rapport. Sco exempel numna la WHO cigarettas electronicas da tuttas colurs che vegnian quasi commerzialisadas sco termagls.
En pli emprovia l’industria da tubac cun cigarettas cun divers aromas, sco per exempel da schlogn u da vatta da zutger, da far dependents ils uffants uschè baud sco pussibel, scriva la WHO vinavant.
![E-Zigaretten](https://www.rtr.ch/static/cms/images/960w/126728.jpg)
Tenor rapport han 20% dals giuvenils europeics tranter 13 e 15 onns inditgà d’avair fimà cigarettas electronicas ils ultims 30 dis. La WHO pretenda uss da scumandar talas cigarettas cun divers aromas e taglias pli autas sin il tubac.