Il concern da farma britannic, AstraZeneca ha interrut in studi clinic d'in vaccin da corona. La raschun è ch'ina persuna da test ha gì serius effects secundars.
En ina communicaziun dal concern vegn discurrì d'ina malsogna betg explitgabla. Sco quai ch'igl è usità en tals cas, vegn uss in comité independent ad intercurir il cas dal proband pertutgà.
Il vaccin è vegnì sviluppà da l'universitad dad Oxford e sa chattass en la davosa fasa da studi. A quel studi han fin uss participà pliras 10'000 persunas.