- Suenter tractativas sur plirs onns han ils pajais industrials dominants s'accordà sin ina refurma da taglia globala.
- Concerns gronds sin l'entir mund duajan pajar ina taglia minimala dad almain 15%.
Quai resulta da la decleranza finala da l'inscunter suprem dals ministers da finanzas dals G7. Vitiers duain quests pajais, nua ch'ils concerns gronds fan lur svieutas, profitar pli fitg che fin uss dals pajaments da taglias. La cunvegna dals stadis industrials sto anc vegnir approvada d'in circul pli grond, per exempel dals stadis G20 cun ils novs pajais industrials sco la China, l'India u la Brasilia.