Butias, teaters ed indrizs da temp liber èn puspè averts. Ed a partir da glindesdi avra er il commerzi. Different è quai en la gastronomia e hotellaria. Uschia han avert la dumengia be en il Tirol, il Voralberg ed il Burgenland ils restaurants. En las regiuns Salzburg, Austria Bassa, Kärnten ed a Vienna vegnan las portas avertas be en intgins dis u en in'emna. En il Bundesland Austria Auta vala il lockdown fin ils 17 da december. .
Squitsch sin betg vaccinads
Vinavant restar en il lockdown ston dentant persunas betg vaccinadas cunter Covid. Ellas dastgan be bandunar lur dachasa sut circumstanzas, sco per exempel per ir a lavurar u far cumissiuns. Ultra da quai datti differenzas tranter ils singuls Bundesländer. Per augmentar il squitsch sin betg vaccinads è previs d'introducir sin l'emprim da favrer ina vaccinaziun obligatorica. Tenor lescha èsi pussaivel da chastiar persunas che na sa laschan betg vaccinar cun 600 euros mintga trais mais.