Il stadi federal Montana scumonda sco emprim stadi american l'app da social media Tiktok. Quai ha il guvernatur rebulican Greg Gianforte communitgà via Twitter. La lescha duai proteger la glieud da Montana da vegnir survegliada dal stadi chinais.
La nova regulaziun scumonda ad App-Stores da porscher l'app a partir dal 2024. Plinavant na dastga l'interpraisa er betg pli esser activa en il stadi uschiglio smanatschian auts chastis. Tiktok ha annunzià da ir avant dretgira cunter la regulaziun. Il concern renviescha ch'els dettian vinavant datas al stadi chinais.
