En Frantscha è il Louvre a Paris ed il chastè da Versailles vegnì evacuà pervia dad ina smanatscha da bumbas. La smanatscha saja vegnida derasada entras in messadi anonim sin ina pagina d'internet. Ordavant eran gia radund 15’000 persunas vegnidas evacuadas or dal Louvre. Il museum sez aveva communitgà via la plattafurma X ch'il bajetg restia serrà per motivs da segirezza.
En Frantscha vala suenter in'attatga mortala en ina scola il pli aut stgalim da terror. Fin glindesdi saira vul la regenza mobilisar fin 7’000 schuldads en l'entir pajais.
