A Damascus en la Siria è l'eroport internaziunal vegnì serrà pervi d'attatgas cun rachetas da l'Israel. Dus schuldads èn vegnids mazzads dus ulteriurs blessads, scriva l'agentura da novitads statala «Sana».
Israel ha attatgà tschients giadas la Siria or da l'aria. En la Siria datti dapi il 2011 ina guerra civila . Pajais da l'exteriur sco Israel, la Terchia, la Russia u il Iran sa maschaidan dentant er en. Israel pretenda da far las attatgas per evitar che l'Iran na survegn betg bler influenza en la Siria.