Ils blers cas dettia en pajais africans (144 milliuns), suandà da pajais asiatics (80 milliuns) e dal Proxim Orient (8 milliuns). Il rapport è sa concentrà sin 31 pajais, nua che mutilaziuns genitalas vegnan pratitgadas. I dettia dentant er pajais nua ch'ins possia registrar ina sminuziun – per exempel Sierra Leone, Etiopia ubain Burkina Faso.
Mutilaziuns genitalas possian avair consequenzas permanentas per las pertutgadas. Perquai stoppia il cumbat cunter questas praticas vegnir intensivà, pretenda Unicef. Dad ina vart vai per rinforzas la protecziun da dunnas sin basa legala. Da l'autra vart stoppian ins er sensibilisar ed educar la glieud, scriva l'Unicef.