Legenda:
Perquai ch'el ha dà perditga cunter president Trump n'è Gordon Sondland betg pli ambassadur american tar l'UE.
Keystone
cuntegn
Petta pajada - Trump relascha perditgas
Suenter che president Trump è vegnì declerà nunculpant en la procedura d'impeachment, ha el fatg maisa schubra e relaschà persunas ch'han dà perditga cunter el.
L'ambassadur american tar l'UE, Gordon Sondland ha pers ses post. Sondland valeva sco perditga principala en l'affera da l'Ucraina.
La New York Times ha cità oz ina decleranza da Sondland. Quel ha ditg ier saira ch'il president haja relaschà el per immediat sco ambassadur.
Gia ier era vegnì enconuschent che l'uffizier e cussegliader dal cussegl da segirtad naziunal Alexander Vindman ha stuì bandunar la Chas'alva. Tenor ses advocat, perquai ch'el haja ditg la verdad.
