Tut en tut sajan 30 milliuns uffants en 15 pajais pertutgads da malsognas e n'hajan betg avunda nutriment. La raschun per la fomaz sajan conflicts, schocs dal clima e consequenzas da la pandemia. Però er auts custs da viver che sajan per part effectuads da la guerra en l'Ucraina.
![Ina mumma cun ses uffant sutnutrì en in ospital a Mogadischu.](https://www.rtr.ch/static/cms/images/960w/e15ffc.jpg)
Er sch'ils uffants survivan, han els donns per la vita. Lur sistem d'immunitad è pli flaivel e la purschida en scola pli flaivla po manar en ina spirala da paupradad. Pertutgà è cunzunt la Corna da l'Africa, l'Etiopia, la Somalia. Però er il Mali e Niger, u il Afghanistan ed il Jemen, ed ulteriurs pajais.
In plan da tschintg puncts duai ussa gidar mammas ed uffants. L'ONU appellescha als pajais dal mund da sustegnair quel plan.