La Chanceliera tudestga ha tematisà en ses pled las relaziuns cun ils Stadis Unids e las relaziuns cun la China. Il tema central è dentant stà la midada dal clima.
Nus stuain agir: Sche noss continent surviva u betg, dependa da la cunvegna da clima da Paris.
L'entir mund stoppia agir communablamain cunter la midada dal clima – quai ha ditg la Chanceliera tudestga Angela Merkel al Forum mundial d'economia a Tavau. Che la stgaudada globala vegnia restrenschida sin 1,5 grads, saja ina dumonda dal surviver da tut il planet.
Mesiras stoppian ins prender urgentamain tar la protecziun da las spezias e tar la midada dal clima. La finamira d'economisar fin il 2050 neutral al clima è tenor Angela Merkel in grond act da forza.
Critica envers Donald Trump
Pel mument na sajan betg pli tut ils stadis da la partida sch'i va per cumbatter il stgaudament climatic. Cun quai crititgescha la Chanceliera tudestga er ils Stadis Unids, ch'èn sortids da la Cunvegna da Paris.
RTR actualitad 17:00