Sin in atoll en il sid dal Pacific ha l'onn 2024 gia cumenzà. Ils radund 7'300 abitants ed abitantas da Kiritimati che tutga tar l'atoll da Kiribati èn stads ils emprims ch'han beneventà l'onn nov las 11:00 da noss temp.
15 minutas suenter Kiribati han era las inslas da Chatham pudì festivar il cumenzament dal 2024. Ellas giaschan 800 kilometers en l'ost da la Nova Zelanda, ed han 700 abitantas ed abitants. In'ura suenter Kiribati èn lura la Nova Zelanda, Samoa e Tonga vidlonder.
Samoa american, ch'è 200 kilometers en l'ost da Samoa, giascha sin tschella vart dal cunfin internaziunal da la data. Il pajais è il davos che po festivar il nov onn, 12 uras pli tard che la Svizra.
audio
Per tadlar: las novitads da las 12:00
ord RTR Audio dals 03.01.2024.
laschar ir. Durada: 2 minutas 5 Secundas.