En la citad franzosa Nizza èn trais persunas mortas tar ina attatga cun cuntè.
Vitiers sajan sis persunas vegnidas blessadas – quai tenor infurmaziuns da las autoritads. L'attatga è succedida vers las 09:00 en vischinanza da la baselgia Nôtre-Dame. L'Uffizi naziunal anti-terror ha surpiglià da sclerir las circumstanzas. Per il mument vala en Frantscha il pli aut stgalim d'avertiment da terror.
Tenor il president da la citad è il probabel attentader en arrest. Pir avant duas emnas era in scolast mort datiers da Paris, suenter ina attatga terroristica.