Il Portugais da 71 onns è dapi 4 onns schef da l’ONU. Ses temp d’uffizi terminescha la fin da quest onn. Enfin ussa na datti nagins cuntracandidats confermads per Guterres.
Commembers permanents decisivs
L’assamblea generala da l’ONU elegia il secretari general sin proposta dal Cussegl da segirezza. Ils tschintg commembers permanents da quest gremi han in’influenza decisiva sin l’elecziun. Quai èn ils Stadis Unids, la China, la Russia, la Gronda Britannia e la Frantscha. Per part eri vegnì renfatschà a Guterres ch’el saja per part memia precaut envers quests pajais.