Tar ils servetschs d'online Facebook ed Instagram hai dà disturbis sin l'entir mund il mardi. Il concern american Meta ha communitgà ch'utilisaders enturn il globus hajan difficultads da survegnir access tar Facebook, Instagram e Threads.
«Nus lavurain londervi», ha il pledader da Meta Andy Stone declerà en il servetsch d’infurmaziun curt X. Er ils servetschs en Svizra èn stads pertutgads dal disturbi.
