Sin l'insla spagnola da las Canaras, La Palma, è rut or il vulcan Cumbre Vieja. Suenter in'explosiun vehementa en la vischnanca El Paso, è sa furmà in terment nivel da tschendra.
Las autoritads han ordinà emprimas evacuaziun en il conturn dal vulcan. Las abitantas ed ils abitants eran gia vegnids preparads ils ultims dis sin l'erupziun. Quai suenter ch'i aveva dà plirs terratrembels pitschens.
Sin l'insla cun 83'000 abitantas ed abitants, avevi dà l'ultima giada avant 50 onns in'erupziun d'in vulcan. Lura era rut ora il Teneguia.