Salvini haja intimà Conte dad ir en il parlament per renconuscher ch'i na dettia nagina maioritad pli. Uschia statti en ina decleranza da Salvini. I na fetschia nagin senn da cuntinuar cun dispitas sco las ultimas emnas.
Gia avant ha la Lega scrit en ina communicaziun ch'elecziuns novas sajan la suletta alternativa a la regenza actuala cun il Movimento Cinque Stelle.
Project da viafier sparta las opiniuns
Distatgà la crisa en la coaliziun è stà il votum dal Movimento Cinque Stelle cunter in project da viafier. I sa tracta dal traject per trens d'auta spertadad tranter Lyon e Turin che la Lega sustegna. Gia il mars aveva la coaliziun da regenza bunamain fatg naufragi pervi da la dispita davart quest traject da viafier.
La regenza da coaliziun actuala è la 65avla regenza dapi che la Republica Italia è vegnida fundada. Dapi il zercladur 2018 è ella en funcziun.
RR novitads 21:00