En l’Italia è la nova regenza da la primministra Giorgia Meloni vegnida saramentada sonda avantmezdi. Il president dal stadi, Sergio Mattarella, ha incumbensà la scheffa da la partida radical-dretga «Fratelli d’Italia» da furmar ina nova regenza. Quai vul Meloni far ensemen cun las duas partidas «Forza Italia» da Silvio Berlusconi e la «Lega» da Matteo Salvini.
L'allianza da la dretga aveva gudagnà las elecziuns parlamentaras la fin da settember. Meloni succeda uschia a Mario Draghi e daventa l'emprima primministra da l'Italia insumma.
![L'allianza dretga](https://www.rtr.ch/static/cms/images/960w/1d389e.jpg)