Inflaziun - EZB auza tschains directiv sin 4,5%

La Banca centrala europeica EZB auza danovamain il tschains directiv per 0,25 puncts procentuals sin 4,5%. Quai è il 10avel auzament en seria e la pli auta valur dapi che l'Euro è vegnì introducì avant 24 onns. Uschia emprova l'EZB da dar damogn a l'inflaziun. Da l'autra vart fa quai era ch'ils credits vegnan pli chars quai che po engrevgiar l'economia. Er en il stadis unids è l'inflaziun puspè creschida tenor las pli novas cifras.