Il tribunal constituziunal da la Germania ha franà la cussegliaziun davart la lescha da stgaudament en il Bundestag. La pli auta dretgira en Germania ha approvà ina proposta d'urgenza d'in deputà da la CDU. Quel aveva crititgà ch'il parlament n'haja betg avunda temp enfin ch'ins voteschia davart la lescha.
Il sboz da la lescha duai esser avant maun a scrit als deputads almain 14 dis avant. Planisà fiss stà che la lescha da stgaudament vegn deliberada anc la fin da l'emna. La lescha prevesa tranter auter che stgaudaments che vegnan construids da nov ston a partir da l'auter onn vegnir manads per almain 65 pertschient cun energias regenerablas.
