Frantscha - 11 morts tar brischament da chasa da vacanzas

Suenter in incendi en ina chasa da vacanzas datiers da la citad franzosa Colmar han ins entant chattà las baras da tut las 11 persunas ch'eran sparida, quai rapportan las autoritads localas. Il fieu saja rut ora oz a bun'ura en il vitg da Wintzenheim. 17 persunas hajan pudì vegnir salvadas. L'incendi saja spert stà sut controlla. Tenor las autoritads èn da quai da 80 pumpiers stads en acziuns. La primministera franzosa Elisabeth Borne ha annunzià via Twitter da viagiar al lieu da disgrazia. Tenor il ministeri da l'intern sa tracti tar il bajetg dad in alloschi da vacanzas per persunas cun impediments.