Tut ils deputads han purtà rosas alvas, ed era sin il plaz ch'è restà liber era plazzada ina rosa. L’um da Cox e lur dus uffants da trais e tschintg onns eran medemamain preschents en il parlament.
Il primminister David Cameron ha valità Cox sco "vusch per l'umanitad". Ed il schef da l'opposiziun Jeremy Corbyn ha ditg, che tuts portian responsabladad da betg svegliar odi e da betg semnar discordia. El ha appellà per in stil da politisar e debattar pli precaut.
La gievgia passada aveva in um mazzà la deputada Jo Cox a mesa via. Il delinquent supponì è en arrest d’inquisiziun.
RR novitads 20:00