En connex cun il scandal da charn brasiliana tira l’Uniun Europeica il frain. Las furniziuns dals producents da charn suspectads vegnian tramessas enavos ha declerà l’UE. Ultra da quai pretenda l’UE che las controllas en las fabricas da charn brasilianas vegnian rinforzadas.
Avant bun in’emna era vegnì enconuschent che almain 21 firmas duain avair maschadà tranter buna charn – charn ida en mal - silsuenter avair midà l'etichetta e lura era vendì ella. Cunter questas firmas ha la Brasilia ordinà in stop da vendita d’export. Il stop da l’UE sa drizza cunter charn ch’è gia sin via vers l’Europa. La charn duai vegnir refusada e vegnir tramessa enavos en la Brasilia.
La sanada dals consuments è noss suprem interess
La Brasilia è il pli grond exportader da charn bov dal mund. Cun exportar charn gudogna la Brasilia mintg'onn passa 14 milliardas dollars.
RR novitads 06:00