La cumissiun da l'UE pretenda, che la Pologna frainia sia refurma da giustia dispitaivla. L'UE haja «resalvas gravantas» envers quels plans. Els pudessian avair effects fitg negativs sin l'independenza da la giustia polonaisa, citescha l'agentura da novitads svizra sda la cumissiun da l'UE.
Ils cumissaris hajan discutà a lur sesida emnila dad «opziuns politicas e giudizialas» sco reacziun da l’UE. Quellas opziuns van da proceduras pervi da surpassaments en il dretg da contract fin ad ina procedura che pudess prender a la Pologna ses dretg da vuschar sin plaun europeic.
Cun la refurma da la giustia vul la regenza polonaisa extender sia influenza sch'i va per engaschar derschaders.
