-
Bild 1 von 4Legenda: Sin l'areal da questa fabrica a Saint-Quentin Fallavier hai dà quest avantmezdi in attatga terroristica. Keystone -
Bild 2 von 4Legenda: Blera polizia è al lieu da l’attatga da terror a Saint-Quentin-Fallavier datiers da la citad da Lyon. Reuters
-
Bild 3 von 4Legenda: Attatga sin ina fabrica a Lyon - Ils pumpiers èn al lieu da l'incident. twitter.com/BBCOS
-
Bild 4 von 4Legenda: I ha para dà in'explosiun en questa fabrica datiers da Lyon. SRF
L'um stgavazzà ch'ins ha chattà questa damaun en la vischinanza da Lyon en Frantscha è probabel il schef da l'um che ha fatg l'attentat sin la fabrica da gas. Quai communitgeschan ils investigaders.
Il culpabel suspectà è anc vegnì arrestà al lieu dal delict. Tenor il ministeri da l'intern haja el contact cun salafists.
Er arrestà la dunna da l'attentader ed in automobilist
Suenter l'attatga sin la fabrica, ha la polizia era arrestà la dunna da l’attentader suspectà. En arrest è er in automobilist ch'è sa depurtà dubius datiers dal lieu da l'attatga.
Quest avantmezdi avevi dà in'attatga sin l'areal d'ina fabrica da gas industrial datiers da Lyon. En la vischinanza da la fabrica ha la polizia chattà la bara d'in um e dasperas ina bandiera islamistica. Almain duas persunas èn vegnidas blessadas tar l'attatga.
Suenter l'attatga ha la regenza franzosa augmentà las mesiras da segirezza.
RR novitads 20:00