Legenda:
La polizia ha empruà da schliar la demonstraziun cun utilisar gas lacrimogen.
Keystone
cuntegn
Exteriur - Stadi d'urgenza a Charlotte
Durant grevas protestas cunter la polizia a Charlotte, North Carolina è in um vegnì blessà grevamain. Pervi da las protestas violentas han las autoritads uss proclamà stadi d'urgenza ed instradà las mesiras necessarias per convocar la garda naziunala e la polizia d'autostrada.
Mesemna saira èn, per la segunda giada en seria, tschients persunas idas sin via per demonstrar cunter la violenza da la polizia. Mardi aveva lezza sajettà giu in afroamerican armà. Al ur da las demonstraziuns da mesemna saira è in um vegnì blessà grevamain. El sa chatta en privel da vita. Tenor las autoritads n'ha betg la polizia, mabain in auter civilist sajettà sin il demonstrant. La demonstraziun saja escalada suenter curt mument ed i haja dà cravals. La polizia ha reagì cun gas lacrimogen per schliar la demonstraziun.
