Il pievel da la Venezuela stoppia pudair decider da ses avegnir libramain ed en segirtad, ha scrit sin Twitter la pledadra da la regenza tudestga, Angela Merkel. Sumegliant èn er s'exprimids il president franzos, il schef da la regenza spagnola ed il minister da l'exteriur britannic.
Venezuela è sa dasdà, per laschar vegnir realitad lur siemi. Qua capitulescha nagin.
Nicolas Maduro ha cumenzà ils 10 da schaner uffizialmain sia segunda perioda d'uffizi. L'opposiziun aveva boicottà las elecziuns e na renconuscha betg il resultat. Sco el ha ditg, è el sut tschertas cundiziuns pronts per in in dialog.
Reacziun dal minister da l'exteriur Jorge Arreaza
Il minister da l'exteriur Jorge Arreaza ha refusà categoricamain in ultimatum da plirs stadis da l'Uniun europeica, quai avant il cussegl da segirezza da l'ONU.
Ordavant avevan la China e la Russia evità ina resoluziun che leva appellar da sustegnair il manader da l'opposiziun Juan Guaidó. La pretensiun da proclamar elecziuns novas saja ina intervenziun infantila, ha ditg Arreaza.
RR novitads 17:00+