L'aviun che sgola sulet cun energia solara è sa tschentà a New York, quai communitgescha il team via Twitter. En il cockpit è sesì André Borschberg.
L'aviun era partì curt suenter las 4:00 temp local a Lehigh Valley en il stadi american da Pennsylvania. La 15avla etappa maina lura da New York sur l'Atlantic en l'Europa. L'aventura enturn il mund aveva cumenzà il mars passà ad Abu Dhabi en direcziun India, sur la China a Hawaii.
RR novitads 11:00