La milissa terroristica Stadi islamic ha pers quest onn en la Siria ed en l'Irac dapli territori che quai ch'ella ha conquistà. Tenor l'institut american IHS Jane's enturn 14%.
Las perditas las pli impurtantas èn la citad Tal Abjad al cunfin tranter la Siria e la Tirchia, la citad iracaisa Tikrit e la raffinaria iracaisa da Baidschi.
Latiers hajan ils extremists pers la controlla d'ina part da la via sperta tranter Raka en la Siria e Mossul en l'Irac, quai che chaschunia difficultads logisticas.
