Legenda:
Da la catastrofa d'aviun en l'Ucraina da l'ost eran prest 300 persunas mortas.
Keystone
cuntegn
Exteriur - Sfalsifitgà mussaments
Prest in onn suenter ch'in aviun da passagiers è vegnì sajettà giu en l'Ucraina da l'ost datti adina dapli indizis che la Russia haja manipulà mussaments.
Tenor in rapport da la plattafurma da retschertgas investigativas Bellingcat sajan ils maletgs da satellit sfalsifitgads.
Quests maletgs aveva la Russia preschentà sco mussament che l'Ucraina saja responsabla. Las fotografias na sajan betg dal di da la crudada ils 17 da fanadur 2014, mabain dal zercladur, ha declerà Bellingcat.
