En ils Stadis Unids ha ina ulteriura politicra dals democrats annunzià da vulair candidar per la presidenza. Quai ha la senatura da New York Kirsten Gillibrand annunzià en in'emissiun da l'emettur da televisiun CBS.
Sco presidenta vuless ella meglierar il provediment da sanadad american per famiglias e cumbatter cunter corrupziun e violenza. Gillibrand ha 52 onns e vala sco ferma criticra da president Trump.
Democrats cun plirs candidats
Gia ordavant avevan l'anteriur minister da construcziun Julian Castro, la senatura Elizabeth Warren, la deputada Tulsi Gabbard ed er l'anteriur deputà John Delany annunzià da candidar per las proximas elecziuns presidialas il 2020 e succeder al president republican Donald Trump.
RR novitads 07:00