Ils trais schurnalists èn vegnids transportads cun in aviun dal militar spagnol a Madrid, annunzia la regenza spagnola. I saja reussì da cooperar cun plirs pajais alliads ed uschia sajan ils schurnalists vegnids libers. Schebain i è vegni pajà daners n’ è anc betg cler.
Ils trais umens eran vegnids rapinads ils 13 da fanadur ad Aleppo, els lavuravan sco schurnalists independents per pliras medias. I vegn supponì che la gruppa Al-Nusra haja rapinà els.
RR novitads 15:00