Ch'ils Stadis Unids stoppian stritgar sancziuns cunter l'Iran ad interim ha decis il Tribunal internaziunal. I sa tracta da sancziuns ch'ils Stadis Unids avevan relaschà ils 8 da matg. Cunzunt sancziuns che pericliteschian l'agid umanitar e la segirezza dal traffic aviatic stoppian ils Americans immediat metter ord vigur. Uschia dat la pli auta dretgira da las Naziuns Unidas dretg a l'Iran. La decisiun da la dretgira da l'ONU è lianta.
