-
Bild 1 von 5Legenda: La Piazza da Spagna - questa stgala da renum mundial straglischa grazia al giuvelier Bulgari en nova belleza. Keystone -
Bild 2 von 5Legenda: La Fontana di Trevi - 17 mais ha durà la renovaziun per la qual che la firma da moda Fendi ha passa 2 milliuns euros. Keystone
-
Bild 3 von 5Legenda: Il Circus Maximus - qua durant il gieu final Italia - Spogna en las maestranzas europeicas 2012. Keystone
-
Bild 4 von 5Legenda: Il Colosseum - la renovaziun vegn sponsurada dal fabricant da stgarpas e tastgas Tod’s. Keystone
-
Bild 5 von 5Legenda: Il Forum Romanum - tgi che less contribuir pli pauc ch'ils concerns da moda sa vegnir a zerclar per 300 euro al pe da la colonna da Trajan ch'è qua en vischinanza. Keystone
Uschia vul Roma motivar firmas e burgais a contribuir al mantegniment da lieus istorics da renum mundial sco per exempel il Forum Romanum o il Circus Maximus.
Enfin uss avevan gia marcas da luxus sustegnì a Roma en cas simils: la firma da moda Fendi ha finanzià la restauraziun da la funtauna da Trevi, il giuvelier Bulgari la Piazza da Spagna ed il fabricant da stgarpas e tastgas Tod’s paja la renovaziun dal Kolosseum.
Claudio Parisi, l'incumbensà dal patrimoni cultural da Roma, ha preschentà quests plans a schurnalists. Cun ses debits da 12 milliardas euros n'è Roma betg buna da conservar tut ses bains culturals suletta.
Quant auta che la prontezza da dar raps vegn ad esser n’è tenor il president da cità interimistic, Francesco Paolo Tronca, betg uschia segir. Il clom vegn numnadamain suenter in scandal da corrupziun en l’administraziun da la cità.
RR novitads 06:00