-
Bild 1 von 9Legenda: En scola primara ad Amritsar - ina messa en memoria da las victimas da Nizza Keystone -
Bild 2 von 9Legenda: Malencurada a Sidney en Australia. Keystone
-
Bild 3 von 9Legenda: Comemoraziuns e flurs a Nizza. Keystone
-
Bild 4 von 9Legenda: Minuta da silenci a l'inscunter asiatic-european ad Ulannbaatar en la Mongolia. Keystone
-
Bild 5 von 9Legenda: Ambassada franzosa a Tokyo en Giappun – ina mattetta gida tar la comemoraziun per las victimas. Keystone
-
Bild 6 von 9Legenda: Ina minuta da silenzi avant il gieu da l’Euro U19 Pajais Bass vs. Engalterra ad Ulm (D). Keystone
-
Bild 7 von 9Legenda: Minuta da silenzi a Moskau tar l’inscunter dals 2 ministers da l’exteriur John Kerry (USA) e Sergey Lavrov (RUS, da davos). Keystone
-
Bild 8 von 9Legenda: Inscunter anti-terroristic urgent da la regenza en Spagna. Keystone
-
Bild 9 von 9Legenda: Sa plazzar per ina fotografia a la Promenade des Anglais. Keystone
Il di da la festa naziunala franzosa è vegnì terminà cun in attentat en la citad Nizza en il sid da la Frantscha: In camiun è charrà en ina fulla dad umans, 84 persunas èn vegnidas mazzadas.
Johann Schneider-Ammann, iI president da la Confederaziun, è s'annunzià da l’inscunter asiatic-european en la Mongolia.
El ha ditg ch'el è fermamain commuventà. Tals crims sajan «absolutamain inacceptabels». En pli ha Schneider-Ammann accentuà quant impurtant ch'i saja da dar ina perspectiva a persunas giuvnas per che quellas na vegnian betg sclausas da la societad.
Reacziun da l'UE e l'ONU
Donald Tusk, il president dal cussegl da l'Uniun Europeica, condemnescha l'attatga. Ella saja in'attatga sin persunas ch'haja festivà la libertad, la fraternitad e l'agualitad.
Nus stain unids cun ils carstgauns e cun la regenza franzosa en il cumbat cunter violenza e terrorissem.
Il schef da la cumissiun da l'UE Jean-Claude Juncker rinforza che la Frantscha possia quintar cun il sustegn da la cumissiun en ses cumbat cunter il terrorissem.
Il Cussegl da segirezza da las Naziuns Unidas ha declerà a las famiglias da las unfrendas sia cumpassiun e condolà a la regenza franzosa. Il cussegl ha numnà l’attatga barbaric e faig.
Barack Obama, il president dals Stadis Unids da l’America, ha condemnà l’attatga sco sgarschaivla ed offert agid american a la Frantscha.
Nus stain en solidaritad e partenadi sper la Frantscha, noss allià pli vegl.
Reacziun da la Germania
Angela Merkel, la chanzeliera tudestga, numna l’attatga in «mazzament en massa». La Germania partia la tristezza cun la Frantscha, ha ella ditg a l’inscunter asiatic-european en Mongolia.
Jau sun persvasa che nus gudagnain il cumbat, malgrà tuttas difficultads.
Joachim Gauck, il president da la Germania, ha condolà a François Hollande. Gauck discurrà d'in'attatga sin tut il mund liber.
Ils 14 da fanadur … stat per las valurs da la Revoluziun franzosa ch’èn er nossas valurs.
Boris Johnson, il minister da l'exteriur da la Gronda Britannia, è s’annunzià via Twitter. El saja «schoccà e contristà dals eveniments terribels a Nizza e da la sgarschaivla perdita da vita».
Justin Trudeau, il primminister canadais, ha exprimì sia solidaritad als Franzos. «Ils Canadais èn schoccads dals schabetgs dad oz a Nizza. Nossa simpatia è tar las unfrendas, nossa solidaritad cun ils Franzos.»
Reacziun da papa Francestg
Papa Francestg, il parsura da la Baselgia catolica, ha affirmà sia solidaritad cun las unfrendas da l’attatga. Il pontifex haja condemnà «mintg’expressiun d’amoc, odi, terrorissem e mintg’attatga cunter la pasch», uschia il pledader dal Vatican. Il papa haja persequità las «novitads sgarschaivlas» cun «grond quità».
RR novitads 06:00+