L'inscunter tranter il president da la cumissiun da l'UE, Jean-Claude Juncker ed il primminister grec Alexis Tsipras a Brüssel n'ha betg purtà il success decisiv. Suenter discurs intensivs sur pliras uras ha Tsipras declerà che la proposta da la Grezia restia sin maisa sco proposta realistica.
Ils discurs duain cuntinuar ils proxims dis. Pertutgond la rata da 300 milliuns euros che la Grezia ha da pajar enavos al Fond monetar internaziunal IWF enfin damaun venderdi, ha Tsipras sco i para confermà ch'ils daners sajan pronts.
RR novitads 07:00
sda/gc