Legenda:
Demonstrants pretendan da president Andrzej Duda da refusar la refurma.
Keystone
cuntegn
Exteriur - Privel per l'independeza da giustia en Pologna
En la Pologna ha suenter la chombra da deputads er il senat approvà la refurma da giustia dispitaivla. Il sboz saja vegnì acceptà senza midadas ha rapportà l'agentura da novitads polanaisa PAP.
Uschia dovra la lescha cun la quala la regenza po influenzar la dretgira suprema dal pajais sulet anc la suttascripziun dal president Andrzej Duda.
Pliras dieschmilli persunas han demonstrà ils ultims dis cunter la refurma. Il president dal cussegl da l'UE, Donald Tusk, aveva avertì la regenza naziunal-conservativa da la Pologna da sa laschar stuschar da la vart entaifer l'UE cun questa refurma.
