La figlia da prinzi William e sia dunna Kate sa numna Charlotte Elizabeth Diana. Il segund ed il terz num èn in tribut a la basatta, la regina Elisabetta II., ed a la tatta Diana, barmier.
Legenda:
Il prinzi William da la Gronda Britannia e sia dunna Catherine, la ducessa da Cambridge che preschentan lur segund uffant.
Reuters
Il segund uffant dal pèrin roial è naschì sonda passada. Ella era vegnida beneventada cun 103 culps da murters. Suenter era quai previs che la famiglia engrondida sa rendia sin lur bain ad Anmer Hall en l'Engalterra orientala.
