Legenda:
Victor Ponta, il primminister da la Rumenia, stat avant dretgira pervi da rinfatschas da corrupziun.
Keystone
cuntegn
Exteriur - Primminister da la Rumenia sa retira suenter protests
Il primminister da la Rumenia Victor Ponta ha annunzià surprendentamain sia demissiun. Quai ha declerà il parsura da sia partida PSD a la televisiun rumena.
Il primminister social-democrat stat avant dretgira pervi da rinfatschas da corrupziun. Il parlament aveva refusà da retrair ad el l'immunitad sco deputà. Quai aveva evità sia arrestaziun pussaivla.
Ier saira han dieschmilli da persunas pretendì ch'el sa retiria. La raschun è in incendi en in club cun 32 morts. Per blers rumens è la corrupziun derasada responsabla per la disgrazia.
